ಭಾರತದಲ್ಲಿ ಸುಮಾರು 10.1 ಕೋಟಿ ಜನರಿಗೆ ಮಧುಮೇಹವಿದ್ದು ಸುಮಾರು 13.6 ಕೋಟಿ ಜನರಿಗೆ ಮಧುಮೇಹ ಪೂರ್ವ ಸ್ಥಿತಿ ಇದೆ. ಮಧುಮೇಹ ಪೂರ್ವ ಸ್ಥಿತಿ (Prediabetes) ಎಂದರೆ ರಕ್ತದಲ್ಲಿನ ಸಕ್ಕರೆ (ಗ್ಲೂಕೋಸ್) ಮಟ್ಟವು ಸಾಮಾನ್ಯಕ್ಕಿಂತ ಹೆಚ್ಚಾಗಿರುವುದು. ಆದರೆ type 2 ಮಧುಮೇಹವು ಕಾಯಿಲೆ ಎಂದು ವರ್ಗೀಕರಿಸುವಷ್ಟು ಮುಂದುವರೆದಿಲ್ಲದ ಸ್ಥಿತಿಯಾಗಿದೆ.
ವಿಶ್ವದ ಮೊದಲ ಮತ್ತು ವಾರಕ್ಕೊಮ್ಮೆ ಮಾತ್ರ ಬಳಸುವ ಇನ್ಸುಲಿನ್ ಭಾರತದಲ್ಲಿ ಪರಿಚಯಿಸಲಾಗಿದೆ.
ಡ್ಯಾನಿಶ್ ಔಷಧ ಕಂಪನಿ (Novo Nordisk) type 1 ಮತ್ತು type 2 ಮಧುಮೇಹ ಇರುವವರಿಗೆ ವಾರಕ್ಕೊಮ್ಮೆ ನೀಡಲಾಗುವ ಅವಿಕ್ಲಿ ಅಥವಾ ಇನ್ಸುಲಿನ್ ಐಕೋಡೆಕ್ (Awiqli or insulin icodec) ಅನ್ನು ಬಿಡುಗಡೆ ಮಾಡಿದೆ. ಇದರ ಮೂಲಕ ವರ್ಷಕ್ಕೆ 365 ಬಾರಿ ಇನ್ಸುಲಿನ್ ಚುಚ್ಚುಮದ್ದಿನ ಸಂಖ್ಯೆಯನ್ನು ಕೇವಲ 52ಕ್ಕೆ ಇಳಿಸಿದೆ, ಇದು ಮಧುಮೇಹ ಚಿಕಿತ್ಸೆಯಲ್ಲಿ ಗಮನಾರ್ಹ ವ್ಯತ್ಯಾಸವನ್ನು ಮಾಡಿದೆ. ಮಧುಮೇಹ ಹೊಂದಿರುವ ವಯಸ್ಕರಲ್ಲಿ ಚುಚ್ಚುಮದ್ದಿನ ಆತಂಕವನ್ನು ಕಡಿಮೆ ಮಾಡಲು ಮತ್ತು ಚಿಕಿತ್ಸೆಗೆ ಅಂಟಿಕೊಳ್ಳುವಿಕೆಯನ್ನು ಹೆಚ್ಚಿಸಲು ನೊವೊ ನಾರ್ಡಿಸ್ಕ್ ವಾರಕ್ಕೊಮ್ಮೆ ಇನ್ಸುಲಿನ್ ಅನ್ನು ಪರಿಚಯಿಸಿರುವುದಾಗಿ ಘೋಷಿಸಿದೆ.
ಭಾರತದಲ್ಲಿ ಟಾಪ್ 5 ಮಾರಾಟವಾಗುವ ಇನ್ಸುಲಿನ್ ಬ್ರಾಂಡ್ಗಳಲ್ಲಿ 4 ಅನ್ನು (Mixtard ಮತ್ತು Ryzodeg ಸೇರಿದಂತೆ) ನೊವೊ ನಾರ್ಡಿಸ್ಕ್ (Novo Nordisk) ಕಂಪೆನಿಯಿಂದ ತಯಾರಿಸಲ್ಪಡುತ್ತದೆ. ಈ ಚಿಕಿತ್ಸೆಗಾಗಿ ಔಷಧಿಗಳನ್ನು ವಿತರಿಸಲು ಕಂಪನಿಯು ಅಬಾಟ್ (Abbott) ಜೊತೆ ಒಪ್ಪಂದಕ್ಕೆ ಸಹಿ ಹಾಕಿದೆ. ಭಾರತವು ವಿಶ್ವದಲ್ಲೇ ಅತಿ ಹೆಚ್ಚು ಮಧುಮೇಹ ಹೊಂದಿರುವ ದೇಶಗಳಲ್ಲಿ ಒಂದಾಗಿರುವುದರಿಂದ ಈ ಪರಿಚಯವು ಮಹತ್ವದ್ದಾಗಿದೆ.
