ಬೆಂಗಳೂರು: ರಾಜ್ಯಾದ್ಯಂತ ದಿನೇದಿನೇ ಹೆಚ್ಚುತ್ತಿರುವ ‘ಹಾಟ್ ಚಿಪ್ಸ್’ ಹಾಗೂ ಸ್ಥಳೀಯ ತಿಂಡಿಗಳ ಅಂಗಡಿಗಳಲ್ಲಿ, “ನಾವು ಸಣ್ಣ ಅಂಗಡಿ, ನಮಗೆ FSSAI ಲೈಸೆನ್ಸ್ ಬೇಕಾಗಿಲ್ಲ” ಎಂಬ ತಪ್ಪು ಕಲ್ಪನೆ ವ್ಯಾಪಕವಾಗಿ ಹರಡಿಕೊಂಡಿದೆ. ಆದರೆ Food Safety and Standards Act, 2006 ಪ್ರಕಾರ ಈ ವಾದ ಸಂಪೂರ್ಣವಾಗಿ ತಪ್ಪು ಎಂಬುದು ಕಾನೂನುಬದ್ಧವಾಗಿ ಸ್ಪಷ್ಟವಾಗಿದೆ.
Hot Chips ಅಂಗಡಿಗಳು ಯಾವ ವರ್ಗಕ್ಕೆ ಸೇರುತ್ತವೆ?
Food Safety and Standards Act, 2006 ಅನ್ವಯ: Potato Chips, Banana Chips, Tapioca Chips, Mixture, Savories, Fry items, Wheel Chips, Triangle Chips ಮೊದಲಾದವುಗಳೆಲ್ಲವೂ Processed Food ವರ್ಗಕ್ಕೆ ಸೇರುತ್ತವೆ. ಆಹಾರವನ್ನು ತಯಾರಿಸುವುದು, ಫ್ರೈ ಮಾಡುವುದು, ಪ್ಯಾಕ್ ಮಾಡುವುದು, ಸಂಗ್ರಹಿಸುವುದು ಅಥವಾ ಮಾರಾಟ ಮಾಡುವ ಯಾವುದೇ ಘಟಕಕ್ಕೂ FSSAI ನೋಂದಣಿ ಅಥವಾ ಲೈಸೆನ್ಸ್ ಕಡ್ಡಾಯವಾಗಿದೆ. ಅಂದರೆ, “ಸಣ್ಣ ಅಂಗಡಿ”, “ಸ್ಥಳೀಯ ಉತ್ಪನ್ನ” ಅಥವಾ “GST ಇದೆ ಅಷ್ಟೇ ಸಾಕು” ಎನ್ನುವ ಕಾರಣ ನೀಡಿ ಹಾಟ್ ಚಿಪ್ಸ್ ಅಂಗಡಿಗಳು ಕಾನೂನಿನಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಅವು ಸಂಪೂರ್ಣವಾಗಿ FSSAI ನಿಯಮಗಳಿಗೆ ಒಳಪಟ್ಟಿವೆ.
Nutrition Label ಏಕೆ ಕಡ್ಡಾಯ?
FSSAI (Packaging & Labelling) Regulations ಪ್ರಕಾರ, ಪ್ಯಾಕ್ ಮಾಡಲಾದ ಯಾವುದೇ ಆಹಾರದಲ್ಲಿ: ಪೌಷ್ಟಿಕಾಂಶ ವಿವರ (Energy, Fat, Sugar, Salt), ಪದಾರ್ಥಗಳ ಪಟ್ಟಿ (Ingredients), ತಯಾರಿಸಿದ ದಿನಾಂಕ / ಅವಧಿ ಮುಕ್ತಾಯ, Veg / Non-Veg ಚಿಹ್ನೆ, FSSAI ಲೈಸೆನ್ಸ್ ಸಂಖ್ಯೆ, ಇವೆಲ್ಲವೂ ಕಡ್ಡಾಯ. ಇದು ಕೇವಲ ನಿಯಮವಲ್ಲ, ಗ್ರಾಹಕರ ಮಾಹಿತಿ ಹಕ್ಕಿನ (Right to Know) ಭಾಗ. ಈ ಮಾಹಿತಿಯಿಲ್ಲದೆ ಆಹಾರ ಮಾರಾಟ ಮಾಡುವುದು ಗ್ರಾಹಕರ ಆರೋಗ್ಯದೊಂದಿಗೆ ಆಟವಾಡಿದಂತೆ ಎಂದು ಆಹಾರ ಸುರಕ್ಷತಾ ತಜ್ಞರು ಅಭಿಪ್ರಾಯಪಡುತ್ತಾರೆ.
ಇದನ್ನೂ ಓದಿ: Hot Chips ಅಂಗಡಿಗಳಲ್ಲಿ ಆಹಾರ ಸುರಕ್ಷತೆ ನಿಯಮ ಉಲ್ಲಂಘನೆ! ಭಾಗ-1
ಅಧಿಕಾರಿಗಳ ಹೊಣೆ ಏನು?
Food Safety Department ನ ಕರ್ತವ್ಯಗಳು: ನಿಯಮಿತ ತಪಾಸಣೆ ನಡೆಸುವುದು, ಲೈಸೆನ್ಸ್ ಇಲ್ಲದ ಅಂಗಡಿಗಳ ವಿರುದ್ಧ ಕ್ರಮ ಕೈಗೊಳ್ಳುವುದು, ಅಸುರಕ್ಷಿತ ಆಹಾರ ಮಾರಾಟವನ್ನು ತಡೆಯುವುದು, ಗ್ರಾಹಕರ ಆರೋಗ್ಯವನ್ನು ರಕ್ಷಿಸುವುದು ಇತ್ಯಾದಿ. ಆದರೆ ವಾಸ್ತವದಲ್ಲಿ, ಸಾವಿರಾರು ಹಾಟ್ ಚಿಪ್ಸ್ ಅಂಗಡಿಗಳು ಯಾವುದೇ ಲೈಸೆನ್ಸ್ ಇಲ್ಲದೆ, Nutrition Label ಇಲ್ಲದೆ ನಿರ್ಭೀತಿಯಾಗಿ ಕಾರ್ಯನಿರ್ವಹಿಸುತ್ತಿದೆ.
ಆಡಳಿತದ ವೈಫಲ್ಯವಲ್ಲವೇ? ಎಂಬ ಪ್ರಶ್ನೆ ಇದೀಗ ಸಾರ್ವಜನಿಕ ವಲಯದಲ್ಲಿ ತೀವ್ರವಾಗಿ ಕೇಳಿಬರುತ್ತಿದೆ.
ಕಾನೂನು ಕ್ರಮ ಏನು? FSSAI ಕಾಯ್ದೆ ಪ್ರಕಾರ:
ಲೈಸೆನ್ಸ್ ಇಲ್ಲದೆ ಆಹಾರ ಮಾರಾಟ ಮಾಡಿದರೆ ದಂಡ ಮತ್ತು ಅಂಗಡಿಗೆ ಸೀಲ್. ತಪ್ಪು ಮರುಕಳಿಸಿದರೆ ಹೆಚ್ಚುವರಿ ದಂಡ ಮತ್ತು ಜೈಲು ಶಿಕ್ಷೆಯ ಅವಕಾಶ. Unsafe Food ಎಂದು ಸಾಬೀತಾದರೆ ಇನ್ನಷ್ಟು ಕಠಿಣ ಕಾನೂನು ಕ್ರಮ.
ಆಹಾರ ಸುರಕ್ಷತೆ ಎಂಬುದು ಕೇವಲ ವ್ಯಾಪಾರ ವಿಷಯವಲ್ಲ, ಇದು ಸಾರ್ವಜನಿಕ ಆರೋಗ್ಯದ ಪ್ರಶ್ನೆ. ಅಧಿಕಾರಿಗಳು ಯಾವಾಗ ಎಚ್ಚೆತ್ತುಕೊಳ್ಳುತ್ತಾರೆ? ನಿಯಮಗಳು ಕೇವಲ ಕಾಗದದಲ್ಲೇ ಉಳಿಯುತ್ತವೆಯೇ? ಜನರ ಆರೋಗ್ಯವನ್ನು ರಕ್ಷಿಸುವ ಜವಾಬ್ದಾರಿ ಯಾರದ್ದು? ಎಂದು ಸಾರ್ವಜನಿಕರು ಪ್ರಶ್ನಿಸುತ್ತಿದ್ದಾರೆ.
