ಪಾಟ್ನಾ: ಪ್ರಸುದಾ ಪ್ರಿಯಾ ದೇವಿಯವರು ಬಿಹಾರದ ಚಪ್ರಾ ಪಕ್ಕದ ಶ್ಯಾಮಚಕ್ನವರು. ತುಂಬು ತಿಂಗಳ ಗರ್ಭಿಣಿಯಾಗಿದ್ದ ಪ್ರಸುದಾ ಪ್ರಿಯಾ ದೇವಿ ಅವರನ್ನು ಸಂಬಂಧಿಕರು ಆ ಪ್ರದೇಶದ ಖಾಸಗಿ ನರ್ಸಿಂಗ್ ಹೋಂಗೆ ದಾಖಲಿಸಿದ್ದರು. ಅಲ್ಲಿ ವೈದ್ಯರು ಅವರಿಗೆ ಹೆರಿಗೆ ಮಾಡಿದರು.
ಮಹಿಳೆ ಸುಂದರವಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದಳು. ಆದರೆ, ಮಗುವನ್ನು ನೋಡಿದ ವೈದ್ಯರು ಆಶ್ಚರ್ಯಚಕಿತರಾದರು. ಕಾರಣ, ಆ ಮಗುವಿಗೆ 4 ಕಾಲುಗಳು, 4 ತೋಳುಗಳು, 4 ಕಿವಿಗಳು ಮತ್ತು 2 ಬೆನ್ನುಗಳಿದ್ದವು. ಅದೇ ರೀತಿ ಮಗುವಿನ ದೇಹವನ್ನು ಪರೀಕ್ಷಿಸಿದಾಗ ಮಗುವಿಗೆ 2 ಹೃದಯಗಳು ಇರುವುದು ಪತ್ತೆಯಾಗಿತು.
ಬಳಿಕ ವೈದ್ಯರು ಮಗುವನ್ನು ತೀವ್ರ ನಿಗಾ ಘಟಕಕ್ಕೆ ಕರೆದೊಯ್ದು ಚಿಕಿತ್ಸೆ ನೀಡಿದರು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಹುಟ್ಟಿದ 20 ನಿಮಿಷದಲ್ಲಿ ಮಗು ದುರಂತ ಸಾವನ್ನಪ್ಪಿತು. ಈ ನಡುವೆ ಎರಡು ಹೃದಯ ಹಾಗೂ 4 ಕಾಲು ಹಾಗೂ ತೋಳುಗಳೊಂದಿಗೆ ಜನಿಸಿದ ಮಗುವಿನ ಮಾಹಿತಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದವು.
ಇದನ್ನು ನೋಡಿದ ಜನರು ಆ ಮಗು ದೇವರ ಮಗು ಅದನ್ನು ನೋಡಲೇಬೇಕು ಎಂದು ಸಾಮಾಜಿಕ ಜಾಲತಾನಗಳಲ್ಲಿ ಕಾಮೆಂಟ್ ಮಾಡಿದರು. ಈ ಮಾಹಿತಿ ವೈರಲ್ ಆದ ಬಳಿಕ ಮಗು ಜನಿಸಿದ ಆಸ್ಪತ್ರೆಯ ಮುಂದೆ ಭಾರೀ ಸಂಖ್ಯೆಯಲ್ಲಿ ಜನ ಸೇರಲು ಆರಂಭಿಸಿದರು. ಇದು ಅಲ್ಲಿ ಕೋಲಾಹಲಕ್ಕೆ ಕಾರಣವಾಯಿತು. ಬಳಿಕ ವೈದ್ಯರು ಮಗು ಸಾವನ್ನಪ್ಪಿರುವುದಾಗಿ ತಿಳಿಸಿದ್ದರಿಂದ ಜನ ಅಲ್ಲಿಂದ ಚದುರಿದರು.
Baby born with two hearts and eight limbs in bihar chhapra hailed as miracle child
